၁။ တောဆီးဖြူပင်(တောင်ဆီးဖြူ) ပဉ္စငါးပါးကို ရေစင်အောင်ဆေး၍ အခြောက်လှန်းပြီး ပြုတ်သောက် ပါက ဝါသင့်နာ (အသားဝါ) ရောဂါပျောက်ကင်းစေသည်။ လက်ဖက်ရည် အကြမ်းပန်းကန် တစ်လုံးနှုန်းတစ်နေ့ သုံးကြိမ်သောက်ပေးရသည်။
၂။ ဆူးပန်းအပွင့်ခြောက်ကို အမှုန့်ပြုစားသုံးပါက အသားဝါရောဂါ ပျောက်၏။
၃။ ကင်ပွန်းချဉ်အရွက်နုကလေးများကို ငရုတ်ကောင်းရည်တွင် စိမ်၍ ဆား ၊ မန်ကျည်းသီး ၊ ငရုတ်သီး နှင့် ရောထောင်းပြီး အသည်းရောင် အသားဝါရောဂါ ၊ သည်းခြေရောဂါ စသည်တို့အတွက် တိုက်ကျွေးက သက်သာစေသည်။
၄။ ကင်ပွန်းချဉ်အရွက်နုများကို ကြိတ်၍ အသည်းရောင်သော နေရာ၌ လိမ်းကျံပေးက သက်သာစေ၏ ။
၅။ စပါးလင် လက်ဆုပ်ခန့် ကို အမြီး ၊ ခေါင်း ဖြစ်၍ ရေနှင့် သုံးခွက်တစ်ခွက်တင်ကျိုပြီး တစ်နေ့ ၃ ကြိမ်ထက်မနည်း သောက်ပါက ၃ ရက်ခန့် အကြာတွင် ဂျွန်းဒစ်ခေါ် ဆီး ကြောင့်ဖြစ်သော အသားဝါရောဂါ ပျောက်ကင်း၏ ။
၆။ ကိုယ်ရေဝါ (Jaundice) ရောဂါ ရှိသူ များ ရှားစောင်း လက်ပပ် အရွက်သား ကို စားပါက ဆီးဝမ်းသက် ပြီး ရောဂါ လည်း ပျောက်၏။
၇။ ကြက်ဟင်းခါးရွက်ရည်ကို ဖန်ခါးသီးနှင့် သွေးသောက်သော် အသည်းရောင်၍ အသားဝါသောရောဂါ ပျောက်ကင်း၏။
၈။ ဇော်ဂျီတောင်ဝှေးပင် အရွက်ကို သကြားနှင့် ကျိုသောက်သော် ဝမ်းကောင်းစေ မှန်စေ၏ ။ ထန်းလျက်နှင့် ကျိုသောက်သော် အူရောင်ရောဂါ ၊ အသည်းရောင်ရောဂါတို့ ပျောက်၏
၉။ ဇော်ဂျီတောင်ဝှေးရွက်ကို လူနို့နှင့် ပြုတ်သောက်ပါက အဆုတ်ရောင်ခြင်း ၊ အသည်းရောင်ခြင်း နှင့် ကျောက်ကပ်တွင်ဖြစ်သော ရောဂါများ ပျောက်၏ ။
No comments:
Post a Comment