ဆီးချို ရောဂါအတွက် ဆေးနည်းများ (၁၀)

ဆီးချိုအတွက်ဆေးစွမ်းတခွက်

by nang kha yea on 2.12.2012

ရောဂါအမျိုးမျိုး ဖြစ်ပွားကြရာတွင် ဆီးချိုရောဂါသည် အခြားရောဂါများထက် အစားအသောက် အနေအထိုင် ဆင်ခြင်ကြရပါသည်။ အစားအသောက်များ မဆင်ခြင်ပါက ဆီးချိုရောဂါမှတစ်ဆင့် ဆုံးရှုံးရမှုများ ရှိကြပါသည်။

ကျွန်မသည် မြန်မာဆေးနည်းများအား အလေးထား အားထားသူ ဖြစ်ပါသည်။ မြန်မာဆေးနည်းတိုများမှာ အဓိက ငွေကုန်သက်သာပြီး ထိရောက်စွာ ပျောက်ကင်းကြပါသည်။

ဆီးချိုရောဂါနှင့်ပတ်သက်၍ ကျွန်မတို့အိမ်သို့ မိတ်ဆွေတစ်ဦး လာရောက်ပြီး မြန်မာဆေးများအကြောင်း စကားလက်ဆုံ ပြောကြရာမှ ဆီးချိုရောဂါအတွက် ဆေးတစ်နည်းအား သိခဲ့ရပါသည်။ ကျွန်မ၏ အသိမိတ်ဆွေ ဖြစ်သူ မချိုမှ အောက်ပါအတိုင်း အဆင့်ဆင့် ပြောပြပါသည်။



ဆေးဖော်နည်းမှာ ခက်ခဲမှုမရှိဘဲ အလွန်လွယ်ကူပြီး ငွေကုန်သက်သာသော ဆေးနည်းတစ်လက် ဖြစ်ပါသည်။ မိမိနေအိမ် ပတ်ဝန်းကျင်တွင် အမြဲတမ်းရှာဖွေ ပြုလုပ်နိုင်ပါသည်။

ပထမအနေဖြင့်---

သင်္ဘောသီးအစိမ်း အနေတော်တစ်လုံးအား ရေစင်ကြယ်စွာ ဆေးကြောပြီး သင်္ဘောသီး၏ အညှာမှ ဓားဖြင့်လှီးဖြတ်၍ သင်္ဘောသီးအစေ့များအား သင့်တော်ရာ ဇွန်းဖြင့် ခြစ်ထုတ်ပါ။

ဒုတိယအနေဖြင့်---

ယင်းသေင်္ဘာသီး၏ ဝမ်းတွင်းထဲသို့ လက်ဖက်ခြောက်ကောင်းကောင်း သင့်တော်ရုံထည့်၍ ရေနွေးဆူဆူအား

လောင်းထည့်ပါ။ ထို့နောက် သင်္ဘောသီး၏အဝကို ယခင်က လှီးဖြတ်ထားသော သင်္ဘောအညှာဖြင့် ပြန်ပိတ်ပြီး (၅)မိနစ်ခန့်ထားပြီး သင်္ဘောသီးအား ကရွတ်ခွေဖြင့် ထားပါ။

တတိယအနေဖြင့်---

ယင်းသင်္ဘောသီးထဲမှ ရေနွေးအဖန်အား တစ်နေ့လျှင် ၃-ကြိမ်ခန့် များများ သောက်ပေးပါ။ နေ့စဉ် ၁-လခန့် သောက်ပေးပါက ဆီးချိုရောဂါ သက်သာသွားပါသည်။ ၃-လခန့် နေ့စဉ် သောက်သုံးပေးပါက ဆီးချိုရောဂါ သက်သာပျောက်ကင်းသွားမည်ဟု ပြောပြပါသည်။

ဆီးချိုရောဂါဖြစ်နေသော လူနာရှင်များအား ငွေကုန်သက်သာပြီး ရှာဖွေရလွယ်ကူသော ဤဆေးနည်းအား စိတ်ရင်းစေတနာမှန်ဖြင့် အများပြည်သူများအား တင်ပြအပ်ပါသည်။

စေတနာ မေတ္တာများဖြင့်

လှိုင် (အညာမြေ)

Ref>http://www.mawluu.com/search/label/