(၁) ငုရွက် (အရွက်ရင့်များခူး၊နေပူတွင်အခြောက်လှန်းပါ)
(၂) ဥနဲရွက် (အစိုအတိုင်းအသုံးပြုရန်)
(၃) သင်္ဘောမဲဇလီရွက် (အချို့အရပ်ဒေသများတွင်ပွေးကိုင်းမဲဇလီဟုခေါ်ကြသည်။ အစိုအတိုင်း အသုံးပြုရန်)
(၄) ဝါးရွက် (အစို ၊ ကြခတ်ဝါးရွက်ရလျှင် ပိုကောင်းသည်။)
အထက်ပါအရွက်လေးမျိုးကို ပြုတ်၍ဖြစ်စေ၊လက်ဖက်ခြောက်ကဲ့သို့ခတ်သောက်ခြင်းဖြင့် ဖြစ်စေ နေ့စဉ် မတ်ခွက်တစ်ခွက်စာ၊အကြမ်းပန်းကန်လုံးသုံးလုံးစာမျှသောက်ပေးခြင်းဖြင့် သက်သာ စေနိုင်သည်။ဤအရွက်များသည် အသည်းအဆီဖုံးသူ၊ ဆီးချို ၊ သွေးချိုရောဂါရှိသူများနှင့် လည်းသင့်လျော်သောအရွက်များဖြစ်သည်။ ငုရွက်သည်ဝမ်းသက်စေသဖြင့် ဝမ်းမသွားစေလိုလျှင် ငုရွက်ကိုအခြားအရွက်များထက် လျှော့ထည့်ပြီးသောက်သုံးနိုင်သည်။
ဆောင်းဥတုတွင်အသားပပ်ရာမှ အနာများကဲ့သို့ အရေပြားကွာကျနေသူတစ်ဦးသည် ဤအရွက်ပြုတ်ရည်သောက်ပြီးသက်သာလာသည်ကိုတွေ့ရသည်။ ပွေးကိုင်း ၊မဲဇလီရွက် သည် ပွေးရောဂါစွဲကပ်နေသူများနှင့် အရေပြားတွင် မှိုကွက်ရှိသူများအဖို့စွဲသောက်လျှင်ပျောက်ကင်း စေနိုင်သည်။
ထုံနာကျဉ်နာရှိသူများသည် အသားနှင့်အသီးအရွက်ကိုမျှတအောင် စားရန်လိုသည်။ ဝမ်းတွင်းသားများ ၊ ကြာရှည်ခံအောင် ပြုပြင်ထားသောအသားများကို လုံးဝရှောင်ကြဉ် သင့်သည်။
ငါးတစ်မျိုးမျိုးနှင့်ဆီးဖြူသီးကိုရောချက်စားခြင်း ၊ ကင်ပွန်းချဉ်ရွက် ၊ ရှောက်ရွက် ၊ ဥသျှစ်ရွက် ၊ ငရံ့ပတူရွက်များကိုစားသုံးပေးခြင်းဖြင့်လည်းသက်သာစေနိုင်သည်။လမ်းများများလျှောက်ပေးခြင်းဖြင့်လည်းထုံကျဉ်ဝေဒနာသက်သာစေနိုင်သည်။
လေဖြတ်ဝေဒနာခံစားရသူ လူကြီးများကိုလေ့လာမေးမြန်းသုတေသနပြုကြည့်သောအခါ လေမဖြတ်မီ နှစ်နှစ်ခန့်ကပင် ကြိုတင်၍ ထုံကျဉ်သည့်ဝေဒနာကိုခံစားနေကြသည်ကိုတွေ့ရသည်။ ပစ္စည်းများကိုင်လျှင်မမြဲခြင်း ၊မကြာခဏလွတ်ကျခြင်း ၊ဖိနပ်ကျွှတ်ထွက်ခြင်း ၊ခြေချော်လဲခြင်း ၊ ခလုတ်တိုက်ခြင်းတို့ဖြစ်သည်ကိုသတိမထားမိခြင်းကြောင့်သာဖြစ်သည်။
ထုံနာကျဉ်နာရောဂါ ဖြစ်ပွားခြင်းကိုကာကွယ်ရန်အတွက်
၁။ အသက် ၅၀ ကျော်လာလျှင် အသားလျှော့စားပြီးအသီးအရွက်များများစားပါ။
၂။ ဈေးလိပ်နှင့်အရက်ကိုလုံးဝဖြတ်လျှင်အကောင်းဆုံးဖြစ်ပါသည်။ (လျှော့သောက်ခြင်းဖြင့် အကျိုးမရှိပါ၊ လုံးဝဖြတ်ပါ။)
၃။ ထမင်းနှင့်ဟင်းကိုပူပူနွေးနွေးစားသုံးပါ။
၄။ အစားစားလျှင် အစာကြေအောင်ဖြည်းဖြည်းခြင်းကျေညက်အောင်စားသုံးသင့်သည်။
၅။ အိပ်ချိန်မှန်အောင်အိပ်ပါ။ စောစောအိပ်ပြီးစောစောထခြင်းဖြင့် ကျန်းမာရေး ကောင်းစေ နိုင်ပါသည်။
၆။ အငန်ကြိုက်လျှင် လျှော့စားပါ။ သွေးတိုးစေမည့် အပုပ်အငန်များကိုရှောင်ကြဉ်ပါ။
၇။ လမ်းများများလျှောက်ပါ။ ထိုင်နေခြင်း၊ ကားစီးခြင်းများကိုတတ်နိုင်သမျှရှောင်ပြီး လမ်းလျှောက် ပါ။ ခြေကျင်သွားပါ။
၈။ ပစ္စည်းများကိုင်တယ်ရာတွင်မကြာခဏလွတ်ကျလျှင် ၊လမ်းသွားရင်းဖိနပ်မကြာခဏ ကျွှတ် ထွက် လျှင် ထုံကျဉ်ရောဂါစနေပြီဟုသတိရှိပါ။
၉။ သွေးတိုးရောဂါ ၊ ဆီးချိုရောဂါ ရှိ၊မရှိမစစ်ဆေးရသေးလျှင် ဆရာဝန်၊ သမားတော်တို့ နှင့်ပြပြီးစစ်ဆေးပါ။
၁၀။ သွေးတိုးရောဂါ၊ ဆီးချိုရောဂါရှိနေလျှင် ဆေးမြီးတိုများ၊ ရောင်းတန်းဆေးများနှင့် မကုသဘဲတတ်ကျွှမ်းသည့် သမားတော်၏ညွှန်ကြားသည့်ဆေးဝါးကိုသာသုံးစွဲပါ။
အထက်ပါအချက်အတိုင်းလိုက်နာကျင့်သုံးလျှင်ထုံကျဉ်ရောဂါဝေဒနာမှလေဖြတ်ရောဂါအဆင့်ထိမရောက်ရှိနိုင်ပါ။
ထုံနာကျဉ်နာဝေဒနာသည်လေဖြတ်ရောဂါ၏ရှေ့ပြေးဟုသုတေသနပြုချက်များအရသိရှိရပါသည်။ထို့ကြောင့်ထုံနာကျဉ်နာဝေဒနာခံစားရနေသည့်သူများအတွက်ဆေးနည်းကောင်းလေးကိုတင်ပြလိုက်ရပါသည်။
ငုရွှေဝါပင်
ဥနှဲပင်
သင်္ဘောမဲဇလီပင်
ကြခတ်ဝါးပင်
No comments:
Post a Comment